Herrelaget er i flytsona i 6. divisjon. I kveld kom den fjerde strake sigeren med 2-1 borte mot Oppstryn. Kampmønsteret var likt dei føregåande kampane, der heimelaget hadde mest ball, medan vi spelte meir i lengderetning. Til pause stod det 1-0 etter scoring av Kjetil Løkke Vie. Rett etter pause utlikna heimelaget, før Ove Bjørnar Høylo sprang frå forsvaret og sette inn 2-1 midtvegs i andre omgang. Oppstryn misbrukte både straffespark i første omgang, og ein endå større skotmulegheit frå 5 meter på ope mål, rett før vi scora sigersmålet. (To fine beinparadar av keeper vart det sagt 🙂 Mot slutten flytta heimelaget fleire spelarar framover, og vi fekk eit par gode overgongsmulegheiter, utan å få ballen forbi keeper. Resulatet var eigentleg rettferdig, så lenge Oppstryn ikkje greidde å score på sjansane sine.
Alt i alt no ein god taktisk kamp av oss, som nok ein gong mangla 7-8 av spelarane som skulle vere med på laget i år, men som heller ikkje denne gongen kunne spele kamp. Heldigvis er no Ove Bjørnar Høylo heime for sommaren, og Nils Bjarte Førde har meldt overgong frå Jølster. Med 3 16-åringar og ein 17 åring som er stabile samt 2-3 gamlingar på kvar kamp er det likevel såvidt vi greier å samle 11 eller 12 spelarar. Spelarane mellom 17 og 35 lyt nok snart bli med både på trening og kamp skal vi greie å stille lag gjennom sesongen.
