Vi var heldige med vêret og heile 44 deltakarar var med på denne 15 km lange turen. Vi gjekk i roleg tempo og hadde ein lengre kaffistopp på støylen Rusta. Det verka som at alle var kjempe fornøygde med turen, og vi skal nok heilt sikkert arrangere turen også neste år. Tusen takk til Greta Sårheim Veien for kyndig guiding og god informasjon og flotte historiar undervegs.
Trimgruppa i Breimsbygda Idrettslag og Midtre Nordfjord Turlag går i lag om å arrangere ein flott støyl-til-støylstur frå Utviken til Hunskårsstøylen.
Oppmøte: parkeringsplassen på Utvikfjellet, søndag, 8.8. kl. 10.00
På turen kjem vi innom alle 16 støylane frå Fellestøylen til Hunskårsstøylen og ned til Høygarden. Vi går både på veg, rås og i lett terreng i passeleg fart. Når vi stoppar ved støylane kan alle gjerne bidra med kulturhistoriske fakta. Greta Sårheim Veien informerer om støylane. Det er supert om fleire grunneigarar blir med på turen/delar av turen. På støylen Rusta er det ein kaffi- og saftstasjon og her passar det med ein litt lengre stopp for å ete niste. Husk å ta med litt mat og rikeleg med vatn. Det er tørt i elvane. Vi avsluttar turen nede på Høygarden i krysset mot Hunnskår på Dale. Herifrå blir det skyss tilbake til Utvikfjellet for dei som har bestilt.
Turen pleier å ta ca. 5 timar, og passar for alle som er vande med å gå litt lengre turar. Det går også an å vere med på delar av turen. T.d. kan ein kome seg ned til bilveg når ein avsluttar turen på Kvilestøylen.
Turen er gratis, men skyss kostar 75 kr. Vipps til #101496, merk med turavgift eller til kontonummer 3710 07 00248. Vi treng påmelding seinast på fredag, 6.8,.,kl. 18.00 frå dei som treng skyss frå Høygarden tilbake til Utvikfjellet. Send melding til Sabine Exner (mobil 48053040) Turen vert avlyst ved mykje regn). Følg med på nettsida vår.
BBIL Trimgruppa (Sabine Exner) og Midtre Nordfjord Turlag (Katrine Fjellestad Aske)
Les gjerne på denne flotte bloggen om turen frå eit tidlegare år: 16 støylar på rekke og rad
Sabine
